Ақтөбеде 28 адам мінген көлік аударылып, 17 адам жарақат алды

Ақтөбе облысында мұнай компаниясына тиесілі «КамАз» автокөлігі апатқа ұшырады. Вахталық әдіспен жұмыс істейтін қызметкерлерді тасуға арналған көлікте 28 адам болған.

60 жастағы жүргізуші Темір ауданындағы кен орнынан Кеңқияқ кенті бағытында келе жатып, рөлге ие бола алмай қалған. Түрлі жарақат алған жүргізуші мен 16 жолаушы Кеңқияқ ауылдық ауруханасына жеткізілді. Алтауы алғашқы медициналық көмектен кейін үйлеріне жіберілген. Ал қалған он адам облыс орталығына әкелінген. Дәрігерлердің айтуынша, аса ауыр жарақат алғандар жоқ.

Жақсылық Кемал